Xrizopraz

Xrizopraz - xalsedonun ən qiymətli növü olub, yaşıl alma, ot və ya yaşıl soğanın ən incə çalar dəyişikliklərini özündə əks etdirən yarımşəffaf mineraldır. Rəngi sanki ona səhərin şeh damlaları toxunubmuş kimi həfif və xoşdur, eyni zamanda dolğun və "dadlıdır":  ona usanmadan elə hey baxmaq istəyirsən. Xrizoprazın hətta təbiəti belə "canlıdır" - məsələn, qızmar günəş altında uzun müddət qaldıqdan sonra rəngi bir az solur, lakin tez bir zamanda öz rəngini bərpa edə bilir, bunun üçün onu bir neçə gün suda və ya nəm torpaqda saxlamaq kifayətdir. Bu mineral bəşəriyyətə qədim zamanlardan məlumdur.

Litoterapevtlər maddələr mübadiləsinin sürətlənməsi və daxili vəz sekresiyasının aktivləşməsi üçün bu daşı məsləhət görürlər. Bir çox yaşıl mineral kimi, xrizopraz da maqnit fırtınası zamanı meteohəssaslığı azaldır. Bu daş revmatik ağrılara müsbət təsir göstərir. Əgər sizi qarşıda ağır iş gözləyirsə, fiziki dözümlülüyü artırmaq üçün xrizopraz qaşlı üzük taxmaq tövsiyə edilir.

İçərisində 4-5 saat müddətində xrizopraz saxlanılmış su müalicəvi su sayılır; yoluxucu olmayan soyuqdəymə xəstəlikləri zamanı ondan dərman kimi istifadə etmək olar. Xrizopraz ürəyi xəstə adamlar üçün də faydalıdır, bütün digər yaşıl daşlar kimi o da ürək xəstəliyinin qarşısının alınmasına kömək edir.
           
rizopraz - yeknəsəq həyatdan qaçıb macəra və yenilik axtaranlar, həyatda öz fərdi yolunu tapmaq istəyənlər üçün həmaildir. Bu daş ixtiraçılar, alimlər, tədqiqatçılar və səyyahlar - bir yerdə durmayan, daima yeniliklərə can atan və dəyişiklikləri xoşlayan hər kəs üçün uyğundur.
           
Xrizopraz belə adamlara enerji verir, uğur gətirir, güc qazandırır, onları paxıllıq, böhtan, nəzər və cadulardan qoruyur, sadiq dostlarla əhatələyir. Bu daşın çox inadkar təbiəti var - o, yalnız vicdanlı, cəsarətli sahiblərini "sevir", amiranə, lovğa, hər şeydən ehtiyat edən və tənbəl insanları bəyənmir.
           
Xrizopraz işadamları, bankirlər və tacirlər üçün də uyğundur – o, var-dövləti artırır, natiqlik qabiliyyətini inkişaf etdirir, pulu cəlb edir, maddi zərərdən, işgüzar səfərlərdə təhlükələrdən, dürüst olmayan biznes tərəfdaşlarından və arzuolunmaz sövdələşmələrdən qoruyur.
Xrizopraz uşaqlar üçün də faydalıdır - o uşağa öz təsirini dərhal  göstərir; onu istənilən mənfi təsirdən və pis yuxulardan qoruyur, həmyaşıdlarında ona rəğbət qazandırır, onu daha çalışqan edir və özunə inam hissini artırır.
Astroloji baxımdan xrizopraz Əkizlər, Xərçəng, Şir, Qız, Tərəzi, Oğlaq və Dolça bürcündə anadan olmuş insanlar üçün uyğundur.